WANANCHI WA KIJIJI KIGENDEKA WAHAHA KUTAFUTA HUDUMA YA MAJI

Wakazi wa kijiji cha kigendeka ambao ni zaidi ya 9800 wanategemea visima viwili vya maji hali inayowalazimu kutumia zaidi ya masaa 6 kila siku kututafuta huduma ya maji hali ambayo imepelekea shughuli za maendeleo kukwama kutokana na kutumia muda mwingi kutafuta huduma hiyo

Baadhi ya wananchi wa kijiji hicho wakizungumza na gazeti la kigoma yetu  wamesema kuwa tatizo la maji kijijini hapo limedumu kwa muda mrefu kutokana na baadhi ya visima kuharibika huku visima vingine vikitoa maji kwa uchache hali ambayo huwalazimu kukaa kisimani kwa muda mrefu

Perajia John, Jacklina madabanga pamoja na Abdul Chubwa wamesema kuwa tatizo la maji katika kijiji cha kigendeka ni kubwa hivyo ni vema serikali ikafanya mchakato mapema ili kunusuru hali ya wananchi kutumia muda mwingi kutafuta huduma ya maji hali inayoathili maendeleo yao

Gazeti la kigoma yetu lilikuta baadhi ya wanafunzi wakichota maji katika moja ya kisima ambacho hutumia Zaidi ya dakika kumi kujaza ndoo moja na mwanafunzi Elizabeth Mibara alipohojiwa amesema kuwa kukosekana kwa maji kuna waathili sana wanafunzi kwa kuwa hulazimika kukatiza masomo ili wakatafute huduma ya maji hali ambayo inawaathili pia kitaaruma

Aidha mwenyekiti wa kijiji cha Kigendeka bw Yotham Kitwe amesema kuwa halimashauri ya kijiji hicho tayari imejadili na kupitisha swala la wananchi kuchangia shilingi mia tano mia tano kwa ajili ya ukarabati wa visima vibovu na tayari serikali ya kijiji imechangia shilingi laki nne kutoka vyanzo vyake vya ndani kwa ajili ya kuanza kukarabati baadhi ya visima vibovu ambapo mpaka kufikia mwishoni mwa mwezi march tatizo hilo litakuwa limeanza kutatuliwa

Afisa mtendaji wa kata ya Busagara bw Baruan Gwimo amekili kuwepo kwa tatizo hilo katika kijiji cha kigendeka na kwamba swala hilo limewekwa katika mipango ya kamati ya maendeleo ya kata kwa mwaka wa fedha 2015/2016 ambapo pia  baadhi ya mashirika yasiyo ya kiserikali  yameombwa kusaidia kutatua kero ya amaji katika kijiji hicho