Kibondo moto

Kocha msaidizi wa timu ya Toto african ya Mwanza wa kwanza kushoto na katikati ni Kocha mkuu wa timu hiyo Martine Grelics wakitoa maelekezo kwa timu hiyo kwenye uwanja wa Mazoezi wa CCM Kirumba jijini Mwanza





KOCHA TOTO AFRICAN AAHIDI MAKUBWA

Na Johnson James, Mwanza

Baada ya timu ya Toto African ya jijini hapa kumpata kocha mpya kutoka nchini Ujeruman Martine Grelics Kocha huyo amefunguka na kusema kuwa hatishiwi na Uwezo wa timu za Simba, Yanga au Azam hivyo malengo yake ni kuhakikisha kuwa timu inafanya vizuri kwenye ligi.

Akizungumza na Championi ijumaa ikiwa ni siku ya Pili tangu kutua kwake hapa nchini Martine Grelics amesema kuwa “  nimekuja kuleta mabadiliko ndani ya kikosi cha timu ya Toto African kwa kuhakikisha kuwa ninawafundisha falsafa mpya na imani yangu ni kwamba endapo wachezaji watanielewa basi timu ya Toto African itakuwa moto wa kuotea mbali kwenye ligi “ alisema

Katika hatua nyingine Kocha huyo amesema kuwa “ nimesikia uwepo wa timu kubwa hapa nchini kama Yanga, Simba na Azam hivyo nitakiandaa kikosi changu ili kiweze kuwa mfano wa kuigwa kwa kuhakikisha kuwa timu inapata matokeo yatakayoifanya timu ipate nafasi muhimu katika ligi.

Aidha Kocha huyo aliyeongea kwa kujiamini aliongeza kuwa” muda sio mrefu tutaanza mazoezi magumu mazoezi ambayo yataisaidiatimu na wachezaji kwa ujumla kuwa fiti na kuwa na nguvu za kuweza kupambana uwanjani bila woga kwani lengo letu la kushiriki ligi kuu  ni kushindana na hatimaye kuutwaa ubingwa waligi kama zilivyo timu zingine.