KWAKO MBUNGE WANGU
Felix Mkosamali Na WANANCHI WENZANGU WA KIBONDO SOMENI JAPO KIDOGO .
Niliposoma kwenye vyombo vya habari mwanzoni mwa mwaka 2010
na kuona umetangaza nia ya kugombea Ubunge ktk jimbo la Muhambwe nilifarijika
sana na kuamini Wanamuhambwe tumepata mkombozi wa rasilimali zetu na mtetezi wa
wanyonge tulioonewa toka kipindi cha ukoloni na hata nchi yetu ilipopata uhuru
kamili.
Historia ya Kibondo(Muhambwe) inaniambia kwamba tulipata
wabunge kama wawakilishi na watetezi wa wananchi wa Kibondo Bungeni kwa tiketi
ya chama cha mapinduzi(CCM) kwa zaidi ya miaka 45 toka nchi yetu ipate uhuru.
Nitaanza kumchambua mmoja mmoja kama ifuatavyo:
ARCADO DENIS
NTAGAZWA.
Alikua Mbunge wetu zaidi ya miaka 15 ,lakini Kibondo
haikuweza kupata barabara za uhakika ambazo zingekua chachu ya maendeleo ya
kibondo kwa kuunganisha na mikoa ya jirani pia hata kutuunganisha na wilaya ya
Kasulu.Kumbukumbu yangu inaniambia Kibondo tulikua na umeme wa jenereta miaka
ya 80’s mpaka mwanzoni mwa 90’s ,lakini kutokana na usimamizi mbovu Kibondo
tulirudi GIZANI na shuguli za uchumi zikazidi kuzorota,Genereta hizo zilizokua
msitu wa Ushindo zilikufa na baadhi ya watu waliojiona wao ni wajanja waliiba
vifaa mbalimbali vya jenereta hizo na miundombinu mingine ya umeme kama
waya.Nilikua mdogo kipindi hicho lakini nachokumbuka baadhi yao hao waliohujumu
hizo jenereta walikamatwa na kufikishwa mahakamani wakati huo Mzee wangu
(Francis Mapigano) akiwa mkuu wa kituo cha polisi kibondo. Mwisho wa siku
kibondo ilikosa umeme kabisa mbele ya macho ya Mzee Ntagazwa.
Nitakua simtendei haki Mzee Ntagazwa na mchoyo wa shukrani
kwake nikisema ktk kipindi cha uongozi wake hakufanya kitu chochote cha
maendeleo.Ninachokumbuka Mzee Ntagazwa ktk kipindi chake cha uongozi sekta ya
elimu ilikua ipo juu ingawa Kibondo kulikua na shule chache za msingi,lakini
zilikua zikifanya vizuri sana ukilinganisha na sasa,pia hata shule za sekondari
zilikua zikifanya vizuri Kibondo sec(NENGO) na Mabamba Girls ingawa Malagarasi
Sec ilikua haifanyi vizuri.
Miaka ya 2000 Kibondo upepo wa kisiasa ulibadilika na watu
wengi walihitaji mabadiliko.Ndipo kwenye uchaguzi mkuu wa mwaka 2005 Mh Felix
Kijiko alipojitosa kwenye siasa za kibondo na kutokana na sera zake za kipindi
hicho wanakibondo(Muhambwe) waliona ndio mbadala wa Mzee Ntagazwa.
FELIX KIJIKO.
Kutokana na uzoefu wake wa utumishi wa umma ,kweli wananchi
walimchagua Mh Felix Kijiko kuwawakilisha wahambwe Bungeni.Katika kipindi chake
cha miaka 5 Bungeni ,sijui wanakibondo tutamkumbuka kwa lipi? Mimi binafsi
nitamkumbuka kwa RAMI chafu aliyoweka kibondo ,tena kwangu naona kama ni TUSI
kubwa kwa wanakibondo kwa sababu rami ile ilijengwa kwa misingi ya kisiasa.Yani
KIJIKO alijitaidi kuijenga harakaharaka tena chini ya kiwango kwasababu alitaka
kututeka na kutupumbaza wanakibondo kifikira na tumwamini kua ametuletea
maendeleo tena barabara ya rami kwa muda mfupi kuliko Mzee Ntagazwa alie kaa
zaidi ya miaka 15 Bungeni.Target yake ilikua ni uchaguzi wa 2010,Namshukuru
Mwenyezi Mungu kwa kuwafumbua na kuwaamsha wanakibondo na kuona nini Mh KIJIKO
alitaka kuwapumbaza.Yawezekana yapo mazuri ambayo aliyafanya Mh Kijiko ndani ya
miaka 5 ya uongozi wake bungeni,lakini mimi binafsi sikuyaona ,sijayaona na
sitayaona.
FELIX MKOSAMALI.
Wanakibondo(Muhambwe) ambao sasa wanataka mabadiliko hawakuona
ajabu wala gharama kuachana na chama kikongwe(CCM) na kuamua kukupa kura za
ndio ndugu yangu,rafiki yangu Felix Mkosamali tena ukiwa bado ni mwanafunzi wa
chuo kikuu (SAUT) kwa imani kuwa utaweza kututetea kwan bado ni kijana ambae
unaweza kututumikia kwa muda mrefu tena bila kulala Bungeni kama wazee
waliokutangulia.
Ni miaka miwili sasa toka wanamuhambwe tukuchague ingawa
mimi binafsi sikupiga kura kutokana na umbali ila nilimwambia mama yangu na
ndugu zangu kura ya ndio wakupe wewe sababu nilikuamini wewe kama kijana
mwenzangu unaweza kusimamia haki za wanamuhambwe. Ajabu vijana ambao ndio
walikua mstari wa mbele kuhakikisha unapata Ubunge 2010, leo hii ndio haohao
ambao wanaonyesha kukosa imani na wewe na hii inatokana na wewe kushindwa
kuonyesha mikakati ya kumkomboa mwanakibondo(muhambwe)katika Nyanja mbalimbali
kama vile ajira , afya ,kilimo chenye tija, upatikanaji wa soko kwa wakulima
,michezo utamaduni n.k.Umeshindwa kusimamia uboreshwaji wa viwanja vya michezo
kama vile mpira wa miguu,basketball netball na mpira wa wavu ambavyo vijana
wengi hutumia kufanyia mazoezi, umeshindwa kuonyesha njia kwa wasanii wa
kibondo kwa kusaidia kuibana halmashauri ijenge ukumbi mpya na wa kisasa wa
burudani ili wasanii hao waweze kutumia kuonyesha sanaa zao pia na kuongeza
kipato chao.
Naweza kusema ktk siasa za kibondo ndugu yangu umeanza
vibaya na upepo unaweza kuwa mbaya zaidi kwako mwaka 2015.Muda bado unao wa
kuweza kulekebisha pale ulipo anguka. Nakushauri ushirikiane na vijana wa
kibondo hata KDF katika kuijenga Kibondo .Ni hatari sana kisiasa kukataliwa na
rika lako(VIJANA)
Nikukumbushe kwamba endapo ndugu yangu Felix Mkosamali
ukianguka kisiasa itakua ni anguko la Vijana wote wa kibondo na Tanzania kwa
ujumla,Pia kumbuka wewe ndio mfano kwa vijana mblele ya wazee kama ukishindwa
kuongoza basi ule usemi wa kijana hawezi kuongoza utakua umejidhihirisha na
kibondo hatatokea kijana kuja kuaminiwa tena na wanakibondo.
Huu ni mtazamo wangu wa kisiasa juu ya kibondo (Muhambwe)
,Natanguliza samahani kwa yoyote Yule niliyomkwaza kwa namna moja ama
nyingine.Pia nipo tayari kukosolewa kile nilichoandika kwa binadamu
hatujakamilika.
ANGALIZO:
NIMESUKUMWA KUANDIKA HAYA IKIWA NI MOJA YA HARAKATI ZA KDF
KUTAFUTA NAMNA YA KUMKOMBOA MWANANCHI WA KAWAIDA WA KIBONDO. NAOMBA ISTAFSIRIWE
KAMA NI MOJA YA HARAKATI ZA KISIASA . MIMI KAMA MWANAKIBONDO NINA HAKI NA
WAJIBU WA KUMKUMBUSHA KIONGOZI WANGU ATEKELEZE MAJUKUMU YAKE IPASAVYO ILI AWEZE
KUTULETEA MAENDELEO.
WENU KATIKA UJENZI WA KIBONDO,
Nduhilubusa Mapigano. Moscow, Russia
No comments:
Post a Comment