makarani wawili watuhumiwa kuchana dodoso za sensa

mkuu wa wilaya ya kibondo bw Venance Mwamoto (kushoto) akiangalia dodoso zilizochanwa na makarani wa sensa ya watu na makazi (picha na james jovin )

KIBONDO

Watu wawili makarani wa sensa wilayani kibondo mkoani kigoma wanashikiliwa na jeshi la polisi wakituhumiwa kuchana dodoso za sensa ya watu na makazi inayoendelea nchi nzima

Jeshi la polisi limesema kuwa makarani hao ni pamoja na bw Elisha Helmsns claudias ambaye ni mwanafunzi wa chuo kikuu dodoma pamoja na Fredrick Mhalafu mkazi wa kibondo mjini

Jeshi la polisi wilayani hapa limesema kuwa bw Elisha Helmans alichana dodoso alizokuwa ameshika bw Fredrick Mhalafu katika kituo walichopangiwa kifura shule ya msingi katika tarafa ya kifura kata ya Busunzu wilayani kibondo

Tukio hilo limetokea jumatatu august 26 huko kifura wakati vijana hao pamoja na makarani wenzao wakijaribu kushinikiza kulipwa posho zao baada ya kuletewa posho nusu kinyume na makubaliano yao

Mkuu wa wilaya ya kibondo bw Venance Mwamoto ambaye pia aliongozana na mkuu wa jeshi la polisi bw Marko Joshua amewataka makarani kuendelea na zoezi la sensa na kuwahakikishia kuwa watalipwa posho yao yote

Makarani hao wa sensa ya watu na makazi wanashikiliwa na jeshi la polisi wilayani hapa kwa uchunguzi zaidi wa tukio hilo ambapo pia limewataka makarani kuendelea na zoezi la sensa na kutochana madodoso kwa kuwa ni kosa kisheria  MWISHO