vyama vya siasa wilayani kibondo vyatoa salamu za rambi lambi kufuatia kifo cha mwandishi wa habari Issa Ngumba

sala ya mwisho marehemu Issa Ngumba

Vyama vya siasa wilayani kibondo mkoani kigoma vimetoa salamu za lambi lambi kwa familia pamoja na wafanya kazi wote wa radio kwizera kufuatia kifo cha aliyekuwa mwandishi wa habari wa radio kwizera issa ngumba aliyeuwawa mwanzoni mwa wiki hii na watu wasio fahamika

Kwa niaba ya wanachama wa chama cha mapinduzi wilaya ya kibondo na kakonko katibu wa chama hicho bw Kisali Elia ametoa salamu hizo za lambi lambi na kuongeza kuwa chama kimepokea kwa masikitoko taarifa hiyo ya mauaji

Aidha bw Elia amesema kuwa chama cha mapinduzi kitamuenzi bw Issa Ngumba kwa kuendeleza utekelezaji wa kauli yake aliyoitoa katika moja ya habari zake ya kuwaasa wanachama kujitokeza kwenye vikao vya chama

Bw Elia amesema kuwa chama cha mapinduzi hakiungi mkono tabia ya wananchi ya kujichukulia sheria mkononi na kwamba ni vyema wananchi wakaamini vyombo vya dola na kuvitumia pale wanapokuwa wamebaini makosa yoyote badala ya kuchukua maamuzi ambayo huleta athali kubwa kwa jamii

Aidha Chama cha wananchi CUF wilayani Kibondo mkoani kigoma kimewataka wananchi wilayani kakonko kutoa ushirikiano kwa jeshi la polisi na  kutoa taarifa za kweli  wakati huu ambapo jeshi  hilo linaendelea na upelelezi wa tukio la kuuwawa kwa mwandishi wa habari mwanzoni mwa wiki hii

Katibu wa chama hicho bw Vedasto Pesambili ameiambia kibondo moto kuwa wananchi wanapaswa kuwa wazalendo na kutoa taarifa sahihi ili kuharakisha uchunguzi wa tukio hilo ambali bado lina utata

Aidha pamoja na mambo mengine bw Pesambili ameomba wananchi kutoa taarifa ambazo ni sahihi na kuepuka kusingizia raia wasio na hatia kutokana na visa ambavyo havihusiani na tukio hilo

Bw pesambili ametoa wito pia kwa wananchi kutojichukulia sheria mkononi bali kuacha sheria ichukue mkondo wake akiwataka pia polisi kutotumia nguvu nyingi katika kudhibiti uhalifu

Mwandishi wa habari wa radio kwizera issa ngumba  ambaye ni mkazi wa wilaya ya kakonko aliuwawa na watu wasiofahamika mwanzoni mwa wiki hii katika poli  la Kudayamuheta lililopo katika kijiji na kwamba jeshi la polisi bado linaendelea na uchunguzi wa kifo hicho kilichokuwa na utata